BITCOIN प्रयोग गरेर नेपाल भित्र भैरहेका ठगिहरु - Printable Version

+- (https://www.nepalbitcoin.club)
+-- Forum: Bitcoin (https://www.nepalbitcoin.club/forumdisplay.php?fid=1)
+--- Forum: Bitcoin Discussion (https://www.nepalbitcoin.club/forumdisplay.php?fid=2)
+--- Thread: BITCOIN प्रयोग गरेर नेपाल भित्र भैरहेका ठगिहरु (/showthread.php?tid=160)



BITCOIN प्रयोग गरेर नेपाल भित्र भैरहेका ठगिहरु - admin - 08-28-2018

नेपाल बाट BITCOIN प्रयोग गरेर धेरै प्रकारका ठगिहरु हुने गरेको पाइएको छ| BITCOIN बाट भुक्तानी लिन सजिलो हुने र BITCOIN पठाउन  कुनै बैंक तथा अन्य बित्तिय संस्था को जरुरत नपर्ने भएकोले नेपालीहरुलाई विभिन्न प्रलोभन देखाएर नेपालबाट BITCOIN  पठाउन लगाउने किसिमका ठगि (SCAMS) हरु नेपालमा दिन प्रतिदिन बढ्दो छन्| यस्ता ठगि (SCAMS) प्राय जसो सामाजिक संजाल जस्तै FACEBOOK/TWITTER र इन्टरनेटको माध्यमबाट भैरहेको हुन्छन| नेपालीहरुको प्रबिधिमा रहेको कम ज्ञान र सामाजिक संजालको फाइदा उठाउदै नेपाल बाहिरबाट ठग (SCAMMERS) हरुले दिनहु जस्तो नेपालीहरुलाई लक्षित गरेर विभिन्न किसिमका प्रलोभनहरु जस्तै केहि दिनमै धेरै पैसा सजिलै कमाउन सकिने, विदेश लगिदिने, भिसा मिलाइदिने, अमेरिकी सेनामा भर्ति गरिदिने, बिदेसी महिला संग DATING/MARRIAGE गर्ने, महंगा सामानहरु किनेर नेपालमा रहेका व्यक्तिहरुलाई पठाइदिने जस्ता प्रस्ताबहरु सामाजिक संजालमा भेटिने गरेका छन् तर त्यसको बास्तबिकता भने हामीले सोचे भन्दा बेग्लै छ| यस्ता प्रकारका प्रस्ताबहरु केवल ठगि गर्नको लागि मात्रै प्रयोग गरिन्छ| यस्ता प्रस्ताबहरु FACEBOOK को INBOX मा त कुनै FACEBOOK PAGE हरु द्वारा सामाजिक संजालमा प्रकाशित गरिएको हुन्छ| यस्ता ठगि हरुमा सुरुमा केहि समय अपरचित नेपालीहरु लाई राम्रो कुराहरु गरेर प्रभाबमा परेपछि प्रोसेस को लागि अग्रिम शुल्क मागिने गरिन्छ, त्यो प्राय सानो रकम बाट सुरु हुन्छ र पछि अर्को अर्को पटकमा बिस्तारै रकम बढाउदै लगेर BLACKMAILING गरिएको पाइन्छ| येदि सुरुमै सचेत नहुने हो भने यस्ता किसिमका ठगिबाट कोइ मानिसहरु टाट पल्टेको सम्म हामीले सुन्ने गरेका छौ| BITCOIN द्वारा भुक्तानी लिन सजिलो हुने र आफ्नो केहि व्यक्तिगत विवरण खुलाउनु नपर्ने साथै BITCOIN भुक्तानी १ MINUTE मै ठगको हातमा पैसा पुग्ने हुनाले यस्ता ठगहरु नेपालीहरुलाई BITCOIN मार्फत ठगि गर्न अग्रसर देखिन्छन| त्यसैले नेपाल भित्र कसैले पनि BITCOIN को कारोबार गर्दा यो कुरा पनि ध्यान मा राख्नु पर्छ कि कतै हामीले कारोबार गरेको BITCOIN ले यस्ता किसिमका ठगिहरुलाई फैलिन मद्दत गरिरहेको त छैनौ र अर्को कोइ नेपालीलाई ठगीको सिकार बनिरहेको पनि हुन सक्छ भन्ने कुरा ख्याल राख्नु पर्ने देखिन्छ| त्यसैले कसै संग BITCOIN कारोबार गर्नु अगाडी उसको परिचय खुलाएर के प्रयोजन को लागि BITCOIN खरिद बिक्रि भैरहेको छ त्यो राम्रो संग बुझेर मात्र BITCOIN कारोबार गर्नु उचित देखिन्छ|

त्यस्तै नेपाल भित्र विभिन्न किसिमका नक्कली CRYPTOCURRENCY, E-LEARNING PLATFORMS र NETWORKING ब्यापारको को नाममा समेत नेपालमा लगानीकर्ताहरु ठगिने क्रम जारी छ| यस्ता प्रकारका OFFER हरुबाट हरेक नेपाली सचेत रहनु अनिबार्य छ| 


Website:   https://www.nepalbitcoin.club
Facebook: https://www.facebook.com/nepalbitcoinclub
Twitter:    https://twitter.com/nplbitcoinclub
Telegram: https://t.me/nplbitcoindotclub (Developers Forum)